Le texte de cette page a été corrigé et est conforme au fac-similé.
Amours
Fille tu es a ta franchiſe
Fais ce que bon te ſemblera
Tu as temps de uiure a ta guiſe
Eſpoir riens on ne temblera
Ton fait dautres reſſemblera
Sur le col la bride ten laiſſe
Jenne chien enuis ua en laiſſe
Honte
Honte auras deuant tes yeulx
Quant tu ſeras damours eſpriſe
Le monde ten aimera mieulx
Et nen ſeras de dieu repriſe
Conduys ſagemẽt ton empriſe
Sur le col la bride ten laiſſe
Jenne chien enuis ua en laiſſe
La pucelle
Donc les prins a mercier
De ce q̃ me uoudrent aprendre
Et dis pour les pacifier
Que me garderay de meſprendre
Lors me uint le grant iour ſurprẽdre
Quãt plus riens ne uis ie meſueille
Maintz ſonges plaiſent a merueille
