penſe qu’il entend parler d’vn Rominagrobis qui ieune garſon, s’eſt accouſtumé á ſauter de Cloiſtre en autre, & qui pourtant s’accommodera tant plus facilemēt à dire ſon Chappelet entre quatre murailles, auec le miſerere, iuſqu’à vitulos pour penitence & mortificatõ des maux qu’il a faicts, y ayant à ce qu’on dit beaucoup d’ordure en ſa fluſte. Quoy qu’il en ſoit ie n’ay iamais veu oyſon mieux farcy, que ce bon Seigneur eſt auiourd’huy chargé de fieures quartaines, & que ſi ſa teſte de ſitroüille eſt capable de groſſir à force d’eſtre arrouſee des maledictions qu’on luy donne, il peut bien commander de bonne heure de nouuelle forme de calotte. Car il ny a ny petit ny grand qui n’en die pis que pendre, & chacun entonné le Te Deum en reſioüyſſance du juſte chaſtimét qui eſt tombé ſur ſa reuerence. On benit la main ſalutaire qui luy a ſi accortement donné ce tour de peigne, luy rendāt auec vſure ce qu’il auoit charitablement procuré a d’autres. Bref, il n’y a homme deſpée ny hõme de plume à qui il n’ait baillé vn plat de ſon meſtier, & à qui il n’ait fait le partage de Corbery, tout d’un cofté &
