Le texte de cette page a été corrigé et est conforme au fac-similé.
44
FARCE DES FILLES
La Vieille.
Afin donc que je vous consolle,
Chascune face son devoir
De me dire & faire savoir
Son cas pour y donner conseil.
Hastez vous comme le souleil,
Car le serain est dangereulx
A mon vieil cerveau catterreulx[1],
Et, par ma grande experiance,
Je vous diray en conscience
Ce que faire il vous conviendra
Et qu’à chacune il adviendra.
Toutes ensemble.
Qui commancera de nous quatre ?
La Vieille.
La plus sage, sans tant débatre.
La Première Femme.
Ce sera moy.
La Seconde Femme.
Et moy aussi.
La Première Fille.
Vrayment, mes Dames, grant mercy ;
Vous estes saiges, & nous folles.
- ↑ Affligé d’un catarrhe. — M.