Le texte de cette page a été corrigé et est conforme au fac-similé.
Sa chair blanche, & delicate,
Et sa bouche plus vermeille,
Que n’est aucune Escarlate.
Parquoy d’une ardeur surpris
Je me laissay approcher,
Me femblant un trop grand prys,
Si je le pouvois toucher.
Dont au contour d’une branche
Pour mon ardeur appaiser,
Descouvrant sa cuisse blanche,
Je la luy vouluz baiser.
Mais luy trop chault & ardent,
Suyvant sa course adressee,
Se va gecter sur ma dent,
Que je tenois abaissee.
Et tellement luy mescheut,
Qu’a celle heure trop perverse
Au plus près de moy il cheut,
Tout sanglant a la renverse.
Mais j’atteste tous les Dieux,
