Le pol. Cela n’eſt que trop veritable : Or ces raiſons
& exẽples auec quelques autres ſemblables,
qui furent amenez, ont eſté cauſe que nos freres
de Niſmes ſe ſont reſolus, comme ie t’ay dit, d’eſtablir
ceſt ordre parmi eux. Sachans l’auantage
qui leur en peut reuenir, & le bien que la creatiõ
des Tribuns du peuple (qui eſtoyent les gardiens
de la liberté ciuile & qui pouuoyent à vn beſoin
former les proces aux plus grands) à apporté à
l’anciene Rome du temps d’vn Martius Coriolanus
& autres ſemblables eſprits qui eſtoyent retenus
en crainte par l’authorité d’vn tel magiſtrat.
Quant au 23 article, ce qui le leur a fait approuuer
a cité la ſouuenãce qu’ils ont des desbauches
& licence à mal faire que la pratique contraire à
cauſé par cy deuant en leurs armees, & en leurs
villes & retraites. Si d’auenture il aduenoit qu’vn
gentilhomme, vn capitaine ou ſoldat qui euſt fait
quelque force, larcin, meurtre, ou autre telle veillaquerie
fuſt condamné à mourir, a eſtre harquebouzé,
ou à paſſer par les piques. Si ceſtuy là meſmes
auoit fait quelque bon ſeruice auparauant,
il n’y auoit pas faute de quelques fauoriz des grãs
qui venoyẽt ſoudain aux requeſtes interceder enuers
le chef pour la vie du cõdamné, qu’ils diſoyẽt
eſtre bon ſoldat, ou quelque braue gentilhomme,
qu’il eſtoit bien à cheual, qu’il tiroit bien l’arquebouſade,
que c’eſtoit grand dommage de le faire
mourir, & autres ſemblables remonſtrances, voire
bien ſouuent remonſtrances de ce qu’il n’auoit
iamais fait, par ceſt artifice ils importunoyent tellement
le chef qu’ils ſe faiſoycnt donner le crimi-
