Partant mes freres (leur diſoyent-ils) ne vous
faſchez point, pour raiſon des mal-faiſans, que
vous voyez ce ſemble proſperer. Car ils ſeront
coupez ſoudain comme le foin, & viendront à
faner comme l’herbe verde.
Attendez en patience le Seigneur, ayez ferme
fiance en luy, & ne portez point d’enuie, n’ayez
meſmes aucun regret de celuy, qui eſpere en
ſes laſchetez. Car les malins ſeront exterminez,
mais ceux qui ont leur attente au Seigneur, ſeront
benis de luy. ils ne ſeront point confus au
mauuais temps.
Le Seigneur eſt puiſſant pour donner la manne
du ciel, pour faire ſortir de l’eau de la pierre
dure. Mieux vaut peu de choſe au iuſte, que
foiſon de biens aux meſchans, ils ont (dit Dauid)
deſgainé leur glaiue, & ont bandé leur arc pour
abbatre le poure & indigent, & pour meurtrir
ceux qui cheminent droit.
Mais leur glaine entrera dans leur propre
cœur, & leur arcs ſeront rompus. Il eſt vray,
(mes freres diſoyent-ils) que c’eſt vn argument
ſuffifant ſelon la chair pour chopper & faire cõme
banque route à Dieu, de voir comment
les ennemis de l’Egliſe proſperent, qu’ils ſe glorifient
en cruauté & violence enuironnez d’orgueil,
comme d’vn carcan, que la graiſſe leur
pouſſe leurs yeux hors de leur chef malicieux,
& que bien ſouuent, ils ont dauantage que n’a
deſiré leur courage.
Au cõtraire voir vn Dauid, voire toute vne Egliſe
en deſtreſſe, ſes iours desfaillir comme fu-
