E montet aiqui es mande e ſomo.
E pres un parlement ſos albio.
Carles parle a gaſcon par gant leze[r]
Per engien de donar e par ſaue.
Les a ſi conqueſuz a ſon aue.
Caſcuns li rent e liure ſon mane.
Carles les uait garnir a gant pode.
Meſſage en a girarz tros al quil ſe.
Li cons ſos roſſillon a bel uede.
Fait gilberz e folcon laz lui ſede.
E bernart e boſon e maneſe.
De lor armes portar ſunt teint e ne.
Car furent repairat de ſainz ſeue.
Caſtel del rei qūe fait a fouc arder
E paraulent de gerre faire e ſofer
Atant es lo meſſage qui lor diſt uer
Quel reis li uait gaſcome tote toler
Que li baron li font tot ſon plazer
Bataille en ert dis bos eu len eſper
Vos en auerez co diſt folco tot lezer
Car uos i gaanez tant lautre ſer
E pout girarz e uos a uelz ueer
Que nō eſt ious de gerre a tot mouer
En apro paraulet lo cons bernarz
..uencels fun e fric granc e iaillarz
....e ſi me creez uos e girarz
......aſſara carles lo pont deſgarz
.....erre en ke iaz ſanz leonnarz
.....eron de caſtels en france eſſarz
.....ui caut diſ folco ſi un len arz
.....s tout des n͞r͞es les meillor parz
.....euers ꝓuence ne craiſt regarz
.....a cobertos dauer traarz.
...rles lor tramet a ſos canarz
...i eſt remaſuz del melz li carz
.....u co diſt gilberz de ſeneſgarz
....n ert confunduz lo reis gainarz
...ol fait cous de lance eſpade o darz
..n porie caler cauz fuſt li arz
.que logis ocis uns eſcobarz
.aiſi com morit le reis cenſarz
Eu los aucirai malues co diſt focarz
Anz non fū ren dis bos qui tan me tarz
E folco quan loit irasquen ſei
Gran felnie auez ere parlat uos trei
Ja namerai quin dige queu me deſlei
Eu nol uuel dis girarz ne ne lotrei
Mais dreiz eſt e coſtume ke fouz folei
E qui creit ſon conſeille ques na ſordei
Bels nies folco por deu conſeille mei
Conſel ni ſai dis folco neu ne li uei
Tant coneis a felon carlon lo rei
