Anc a tau ioi ni fut maiſ om ueuz
Com ē folche quan fun entrels uenguz
Ai ſeigner conſ com tes tant contēguz
En ca loige priſun dum es eiſſuz
Marcez deu e alpais a cui ſui druz
Anc lai non peirai ne ma uertuz
Mais prenez tuit leſ armeſ e leſ eſcuz
E ſeit caſcunſ uaſſaus apercobuz
Vnſ tauſ eſcaz uoſ eſt apareuz
Dunt cil pluſ paubreſ ert toz éérobuz
Quo oudinſ el feu noſ ant tant parſeguz
Que paſſent dargancun gaz e paluz
Seignor pot eſtre uerſ euſ ai ueuz
Maiſ gardaz non ſeit faiz criſ ne remuz
Entroſ quaiaz dou moz don coinoguz
Poiſ iſat e firet deſ fers aguz
E gardaz nociaz les retenguz
Car par leſ preſ trait lon de gerre aluz
Rent marcez e ſaluz e les conuie
Franche gent natural bone e ardie
Qui por mei eſ uenguz tal conpaignie
Dex me dent far enquer qui bon uoſ ſie
Tote la genz por lui ſen eſbaudie
Segner conſ qui taduiz alpaiſ mamie
Qui ma trait de priſon e gari ui⁎e
Ele u eſt ? en cel boſ ſuz caiarrie
Grant onor fait a mei qui li mercie
Maiſ oudinſ noſ porſeut qua gent monie
E gardaz non facaz bruit ne ſaillie
Troſ cauirez la uoiz dun cor oie
Dunc iſſanz e prenez grant manantie
Que deie ſos mercez cai nos agie
Li ant aſſegurat cui communal
Lui nen faudrunt por rien deſtor cāpal
Aſ catre filz droun iſt del boſchal
Qui furent cheualer prou e leial
E chauaugent uers laige per un ual
E uirent dautre part la gent reial
E ſunt mil, cheualer par un coſtal
Bertranz lor ueidel paſ e le charral
E folche li mandat par ſeneſcal
Car neſ laiſſe paſſar ml’t fait gant mal
Tot li tout ſon gaaig diceſt iornal
Eu ce reſpont bertranz natendi al
E parlet a oudin ab aute uouz
Torne ten oudinſ conſ feraſ que prouz
E tun dan ſi ca treis del gap la dous
Car nos auonſ agait el bruel de ſouz
Ne uoſ prez diſ oudinſ mige une nouz