Ja dex nen aie manme en poeſtat
Sabāz nē ſut mil mort encāp iuíat
E meit franc cheualꝛ. ious cabentat
Si qan ſerōt li camp de ſanc moillat
Quāc nauiſtes nul rei tā coracat
Dune rin diſt bernarz que me direz
Er mandera lo reis toz celz de mez
Franceis e englezeis e dais lo ſeiz
Qn̄t uerrez ſetcēt mile armaz depꝛz
Non aurez tan fort mur toz n̄ eſpeiz
Tant ne ſerez dedinz ious nē annez
Bernart co diſt girrart ere maugez
Que par le bateſtire que uos tenez
Ne dout ueſtre manace ne ne laprez
Abaanz chiel el fouſat en aie dez
En uerrez tant murir de pluſ euez
Ja ne cuit que prouoires lor ſietez
E meruel me molt ſe cauienez
Mort u uencut non eſtes ſi herbergez
E uos co diſt bernarz com ou ſabez
Se maintenes lorguiel q̃ uos aueiz
Lo tort e la baudie que ca tenez
Mais ſera lo rois febles e quez
Se dai queſte paraule nō deſdiſſez
Dune rien diſt bernarz quē direz uoſ
Tāt ſai charlon de gerre mal engigos
Et le ſai ſi fer e nartos
Quil mādera ſes omes deſmareníos
En uerraz ſet.c.mile armaz de ꝓs
Nē aurez tā fort mur toz nō eſcros
Tant ne ſerez de dinz ne annaſ ious
Mais faizez une coſe qes es ganz ꝓus
Coilliez lenperador cainz a uos
Nirez a ces clocers e murs e tors
Ne cuit carles martels iabaut ꝑ uos
Adunt paraulet folche dolzels ꝓs
Bernart dirai uos ou per glaurios
Tāt a carles martels enprez uꝛs nos
Car ſi intre cainz a plus de dos
Tan bon elme brunt uerres terros
E maint franc cheualer mort tenebros
Enuers iaçer ſennant ꝑ cel perros
Qainc mais non uiſtes rei tan corecos
Bernart co diſt girars ꝑ qel mon diz
Que tant coneis lo rei e ſos mauuiz
Que ſil er en ca tor laiſus plus fiz
Verreit de mun caſtel cum ē baſtiz
E cum il eſt enchaz deſ la raiz
E uerreit mes eſtāz eſ bruiz fluriz
Si uerreit mes dōçelz queu ai nuriz
Criem q̃ carleſ martels fuſ ſos mauuiz
E eu men remandrie folz es bahiz
