Car peires en iuret ſon ſaigꝛment
Cuuns nel ſigra de tˉre un ſol arpent
E cil ſen repairent alquan dolent
E peires point lo mul ſa uie tent
Lo gant chemin tient paires lo plus plenier
En ſei mees a pres tal coſier
Ne pot ſol encontrar nul ſun guerrer
Por cui canies un dor de ſon ſender
La iornades quil feſt contar nō quer
Entrat en roſſilun par pont primer
E deſcent a laruol ſoz lo clocher
A las armes corurent cent cheualer
Seſpade comandet al eſcuder
E pois intret orar el moneſter
El moneſter ſes peires breu orazon
E tan com il i dis fu aſat bon
Santa maria preie e deu del tron
Quilui cele paraule dire neſ don
Ꝑ com ꝑ fol ne lage ne por bricon
Ne que girarz li tene a meſpriſon
E aſegnat ſon cap ab iſt ſermon
E trobet fore a luis ſon conpainon
Tornat ſeſpade el force aiqui o fon
E uent ꝑun la place lo pau paſſon
E encontret le conte eſteuenon
E robert e guillelme e aiennon
E ranul e tebaut e don acon
E cō lo quide metre a razon
Girarz parla a doitran e a folcon
E a boſun le conte deſcarpion
Jl a laiſat toz ces qant uit peiron
E eſt drecaz en piez mes la razon
Gerarz dreca en piez quāt peirō uit
E pren lo ꝑ lo poin le ſei laſiſt
E demandet de carle coren partit
E el ſat tals noues que nai oit
E mal aie de co quel e mentit
A paris lo laiſet aco la dit
El te mande ꝑ mei queu te conuit
Que tos cors o parlet e(l) conſentit
Del duc tieri daſcane quant el morit
Anc nuſ nel por parler ne nel ſofrit
Nicel ſobre ſon cors lai nō ferit
Si nol fais de ta terre tꝛſtot faidit
Que lo reis ne te moue gerre e eſtrit
E girart qant loit au cor marit
Tornet ſoi uers focon en fein ſorit
Peires ſas autres noues de par lo rei
Aiceles queu me ſai celar nō dei
Car mon ſegnier to mande eu di tei
Qꝛ li aimes (d)reit faire a ſa mercei
A ſeiſons o a rains a ſaint romei
