Ꝑ hoc ſen conbatrie ſempre a preſent
Ne daco no ſoan ome uiuent
Que de la mort teuric n̄ fais cōſent
Ne a me bos nō preſt nul parlement
Cum annet a la cort ne quant en uent
Per quen ſie forfait mien eſſient
Quel reis men degeſt toudre mō chaſement
Quar lo tenez co diſt trop uil e lait
De feeltat lo getes tot entreſait
Que ſens colpe de tort qel cougiſt fait
Li feſis andefret baſtir agait
Non uendra a ta cort ne a tō plait
Tros que uende lo mal que li as fait
Mout ſe conten ſegur qui que ſeſmait
Eu lo dirai diſt peires en is breu mot
Toſtens aura girarz co diſ coro[z]
Se deus me ſalue ſos omes e ſos neboz
Tros que te ai uencut e les teus toz
Pois portera dorliens la ſainte croz
Aiqui mētent dis carles con ſel cogoz
Car ſi troc arbergat el prat deſoz
Anc n̄ recet de feire tan mal ne oz
Ben furmi lo meſſage a mon talēt
Vi aucher e ginait e dū armant
E ſegin e boſun e dun gintrant
Com oi dit mon meſſage e tot tū mant
Si coinuc lo conte a ſon ſenblant
Sou ben que ne tamaue ne tāt ne quāt
Anz me uaz ma razō contraliant
Eu dis une paraule quil peſa tant
Com quil feriſt ꝑ nas ab un ueriant
Dun cons ſin fazez gerre cuit mal uos nant
E aurez la conparade abanz un ant
E nolgi mei conbatre ſens penz eſtant
Quel tort e la bauzie e tot leniant
Sen fait girarz bataille obes ſenant
Non ſoant cheuale ne uol reblant
Borgenū ne bouer ne alemant
Neu n̄ tros celui quil mo demant
Mais bos deſcarpion fu en eſtant
E feſt ml’t fere chaire e airant
E at clos ſon poin deſtre e tꝛit ſon gāt
E ſi folco no fuſt dere ben grāt
M[a]is eu li dis tal cauſe al mautalant
[Tu]it lo tengrent ꝑ fol e ꝑ enfant
D[e] feeltat le getes e faz li tort
[Q]ui ſon peire e ſon oncle li auez mort
E tolez li lengroine la cit el port
Conrei te de gerre can poz a fort
Quel ſen (eſt) toz garniz cola de port
Oiant toz diſ girarz (iſt)a razon
Que retar nō deuie lo rei carlon
