Ne fet pechié, ne autre chose
Dont Diex ne sa mère les chose,
Ainz sont ausi com suer et frère :
La douce Dame lor soit mère !
Venir me covient au couvent,
Où il n’avoit pas[1] ce couvent.
Li couvenz dort, ne se remue ;
Li couvenz la desconvenue
Ne set pas : savoir li covient,
Quar uns convers[2] au couvent vient
Et dist : « Seignor, sus vous levez !
S’anuit mès lever vous devez,
Qu’il est biaus jors et clers et granz. »
Chascuns est de lever engranz.
Quant il ont le convers oï
Durement furent esbahi
Qu’il n’orent oï soner cloche
Ne champenelle, ne reloge[3].
Or dient bien tuit à délivre
Que ce soir avoit esté yvre
Lor soucretains, tant ot béu
Que li vins l’avoit décéu ;
Mès je cuit qu’autre chose i a,
Foi que doi ave Maria.
Ils[4] sont à l’église venu,
Petit et grant, jone et chanu ;
Le soucretain ont apelé
Page:Rutebeuf - Oeuvres complètes, recueillies par Jubinal, tome I, 1839.djvu/347
Le texte de cette page a été corrigé et est conforme au fac-similé.
315
ET DE LA FAMME AU CHEVALIER.
