Délivré, quant il venir voient
Le prélat molt grant paor orent,
Por ce que en vérité sorent
Que li prélas mult preudom iere :
Chascuns en inclina la chière.
Li prélas entre en la prison :
Si resgarde chascuns prison,
Et quant il les a regardez
Si lor a dit : « Or vous gardez
Que vous me dites de ce voir :
Est-ce por la gent decevoir
Que pris en prison vous tenez ?
Or me dites dont vous venez. »
Cil, qui n’osèrent au preudomme
Mentir, li ont dite la some
De lor afère et de lor voie.
Dist li uns : « Guerroié avoie
Une dame et un soucretain,
Par qoi pris en prison me tain ;
Quar honte lor cuidoie fére.
Onques ne les poi à moi trère,
Ne atorner à mon servise ;
Si m’en sui mis en mainte guise
Par qoi sor els pooir éusse,
Et que decevoir les péusse.
Mult cuidai bien avoir gabé
Chevalier, couvent et abé
Quant jusques ci les fis venir,
Quar lors les cuidai bien tenir.
Onques n’es poi à ce mener,
Tant fort m’en séusse pener
Page:Rutebeuf - Oeuvres complètes, recueillies par Jubinal, tome I, 1839.djvu/359
Le texte de cette page a été corrigé et est conforme au fac-similé.
327
ET DE LA FAMME AU CHEVALIER.
