Où il a mout de renardie,
Car n’est mie tout or qui luist.
S’un hermitaige veuil eslire,
Seul m’estouvra chanter et lire,
Ne me pourrai mais soulacier ;
Le siècle m’estouvra despire,
Déduit de parler et de rire
Me convenra ensus chacier
Le cuer oster et deslacier,
Dou soulas que seul pourchacier,
Et le cors livrer à martire.
Einsi peut-on Dieu embracier.
Qui ne donne ce qu’il a chier
Ne prent mie çou qu’il désire.
Se le siècle voi rassoter,
Irai nient jou por çou frouter
Avec les convers de Grant-Mont ?
Naie ! bien m’an puis déporter.
Pour coi iroie rioter
Kant volontés ne m’an semont,
Et ma pensée me respont
C’ancor truis gens qui bien me font ?
Mais kant je n’aurai qu’escoter
Tout à tens m’irai rendre adont
A Vauceles ou à Lonpont[1],
Car besoing fait vielle troter.
Ne sai eslire le milleur,
Se Dex m’a fait si grant signeur,
Ke chenoinnes soie d’esglise ;
N’arai mie tant de valeur
Que selonc ma très grant honneur
Soit dedenz moi karitez mise ;
Einsois manrai en convoitise :
Se j’ai garison bien assise
Au cor vaurrai avoir greigneur ;
C’est la manière et ce est la guise.
N’est riens qui en cest mont souffise :
- ↑ Vaucelles était une abbaye de l’ordre de Cîteaux, au diocèse de Cambrai, Longpont, à une demi-lieue de Montlhéry, appartenait aussi au même ordre. L’église de cette dernière existe encore.
