Page:Rutebeuf - Oeuvres complètes, recueillies par Jubinal, tome I, 1839.djvu/96

DE MESIRE GEFROY DE SARGINES,

OU CI ENCOUMENCE

La Complainte de M^gr Joffroi de Sergines,

ou

DE MONSEIGNEUR JEUFROI DE SARGINES^[1].

Mss. 7218, 7633, 7615.

Qui de loial^[2] cuer et de fin
Finement^[3] jusques en la fin
A Dieu servir defineroit,
Qui son tens i afineroit
Finement devroit definer
Et de légier^[4] vers Dieu finer.
Qui le sert de pensée fine
Cortoisement en la fin fine,
Et por ce se sont rendu maint
Qu’envers celui qui lasus maint
Puissent finer cortoisement.
S’en vont li cors honteusement,
Ce di-je por relegieus,
Que chascuns d’els n’est pas prieus,
Et li autres r’ont geté fors

1. Voyez, à la fin du volume, la note J, sur Geoffroi de Sargines.
2. Ms. 7615. Var. Féal.
3. Ms. 7633. Var. Loiaument.
4. Ms. 7633. Var. Finement.