Le texte de cette page a été corrigé et est conforme au fac-similé.
6
les poſſeſſeurs legitimes, comme ils le pourroient eſtre, s’ils reconnoiſſoient vn peu mieux de quelle main ils la tiennent, & s’il faiſoient vn peu plus de reflexion aux belles paroles de mon ſujet :
Non nobis, Domine, non nobis : sed nomini tvo da gloriam.
Feu Monſieur de Balzac qui les a ſi judicieuſement choiſies, & qui a laiſſé vn prix plus glorieux qu’vtile, à celuy qui écriroit le mieux ſur vne ſi noble matiere, connoiſſoit ſans doute la Gloire, il l’avoit aimée, il la meritoit, il la poſſedoit, & pouvoit meſme la donner aux autres, autant que la foibleſſe humaine le peut permettre. Cependant aprés s’eſtre acquis en l’art d’écrire toute la gloire qu’on peut acquerir, il a voulu par la gloire meſme exci-
