Page:Société agricole et scientifique de la Haute-Loire - Mémoires et procès-verbaux, 1881-1882, Tome 3.djvu/183

174

mémoires

d’icelle ils font terriblement fortifiee, remparee, fossoyee, auituillee, munie et garnie de tout ce qu’il fait besoin à vne ville de guerre. Prins et reduit encores à leur deuotion et obeissance plusieurs forts, et chasteaux des enuirons, Mesmement celui de Rochebonne, Clauieres, Truchet, de la Mastre, la Bastie, ayāt bien attempté sur plusieurs autres s’ils les eussent peu surprendre pour s’agrandir et pour estendre leur domination qu’ils menaçoient tousiours iusques aux bords des riuieres de Loyre et du Rosne, ou par tout cependant ils enuoyoiēt leurs mandes et lettres de contribution et leuees de deniers tant de ceux du Roy que des decimes et autres imposez à plaisir et volonté cōme Rois et Princes souuerains. Et combien que l’vn et l’autre des susdits deux pays et dioceses de Vellay et Viuerois ne soient despourueus de gouuerneurs, de grands Seigneurs, gentils hommes, prelats et autres bōs et notables personnages bien zellez et affectionnez au seruice de sa maiesté, repos et tranquillité de la patrie pour s’opposer aux dessusdits et emposcher l’effect de leurs mauuais desseins, neantmoins ils n’auroient en cest endroict rien osé entreprendre, considerans que cela regardoit ou dependoit de l’estat general de la France et du bon plaisir et vouloir de sa maiesté, qui pour quelque temps et pour bonne occasion ou pour en euiter vne plus mauuaise et pernicieuse, s’est accommodé auec lesdits de la religiō leur attermoyāt encores la redition desdites dernieres villes iusques à présent qu’ayāt apertement descouuert leur mauuaise foy et intention : Car en lieu de rendre lesdites villes qui leur estoient baillees par ladite conference estant le terme pour ce faire advenu et expiré, auroient contre la teneur et contenu d’icelle, et mesmes dudit edict de pacification pris et forcé par aguets plusieurs autres villes de la France. Sadite maiesté s’est resolue que puisqu’ils ne vouloient garder et ensuiure le cōtenu de ses edicts et de ladite cōference. Et ce faisant de remettre en son obeissance lesdites villes : De les recouurer par le moyen de la force. Et à ceste fin mande pour le regard dudit sainct Agreue aux sieurs gouuerneurs des susdits pays de Vellay et Viuerois et diocese du Puy et de Viuiers, qui sont quant audit pays de Vellay et diocese du Puy, le sieur de Sainct Vidal vieil guerrier ancien et digne cheualier de l’ordre du Roy et capitaine de cinquante hommes d’armes de ses ordonnāces. Et pour le regard dudit pays de Viue-