bre mil six centz cinquante-neuf, par douant les nottaires royaux et tesmoings bas nommés, cappituleremt assemblés, lesdictz seigneurs preuost, doyen, comtes, chanoines et chappitre, seigneurs temporels et spirituelz de la dicte ville de Brioude, au son de la cloche, a la maniere accoustumée, tant pour eux que pour leurs successrs, d’une part, et humbles et deuottes mères Jeanne-Françoize de Byron, supperieure esleue ; sœur Marie-Dorothée d’Allègre, Françoize-Gabrielle Berthier et Marie-Louize Eymeric, tant de leur chef que prenant en main pour les quatre religieuzes absentes, leurs compaignies, desnomméés au mandat dudict seigneur euesque de Sainct-Flour, du quinziesme du presant mois, et autres religieuzes qui composeront ci-apprés le convant et monnastère à establir dudt ordre de la Vizitation, en la dicte ville de Brioude, icelle sœur de Byron et ses consortes, deuement aucthorizéés parle susdict mandat du dict seigneur euesque de Sainct-Flour et de son grand vicaire, en forme de lettres d’exeat, à l’effect des présentes et permission à elles données par les dts seigneurs comtes, comme estant à présent soubz leur tottale jurisdiction, d’autre partie ; lesquelles parties, de leur bon gré et volonté, etc., ont faict les pactes et conuentions qui s’ensuiuent : assavoir, que lesdites religieuzes ne pourront s’establir au dedans l’anclos de ladicte ville de Brioude, et néantmoins, en attendant qu’elles soyent bastyes au dehors, lesdictz seigneurs comtes leur permettent de pouuoir ce loger dans l’enceinte de ladicte ville pendant cinq annéés seulemt. Et d’autant que pour leur dit logement prouisionnel pendant les dictes cinq années, elles ont fait choix de la maison de ...... soubz l’approbation des dts seigneurs comtes, leur sera permis d’y faire leur fonction et exercisse suivant l’institud de leur ordre aux condictions ci-apprès déclaréés.
Ne pourront lesdictes religieuzes acquérir, par contract volontaire, autre fondz dans la justice desditz seigneurs comtes et estendues d’icelle, que celluy que leur sera necessaire pour la construction dudt monnastere et closture d’icelluy.
« Et aduenant que leur soit baillé du fondz pour constitutions
