Le texte de cette page a été corrigé et est conforme au fac-similé.
ou de ris. Cest huile d’auâtage a odeur de violette de Mars, et saueur d’oliue : parquoy plusieurs en mettent auec leur poisson, ris, et autres viandes qu’ils mangent. Voyla que i’ay bien voulu dire du fleuue, et païs de Senegua : lequel confine du costé de Leuant à la terre de Thueusar[1], et de la part de Midy au royaume de Cambra, du Pouent à la mer Oceane. Tirans tousiours nostre route, commençasmes à entrer quelques iours apres au païs d’Ethiopie, en celle part, que lon nomme le royaume de Nubie, qu’est de bien grande estendue, auec plusieurs royaumes et prouinces, dont nous parlerons cy apres.
CHAPITRE XIII.
Des isles Hesperides autrement dittes de Cap Verd.
Après auoir laissé nostre promôtoire à senestre, pour tenir chemin le plus droit qu’il nous estoit possible, faisant le Surouest un quart
- ↑ Sur les cartes d’Ortelius on ne trouve pas la terre de Thueusar, mais le royaume de Gambra, qui paraît correspondre au Cayor actuel.
