forchu, auec une corne plus longue, autant presque deuant côme derrière. Sô poil est rougeatre, côme celuy d’aucunes mules ou vaches de par deça : et voila pourquoy les Chrestiês qui sont par de là, nomment telles bestes vaches, non differentes d’autre chose à une vache, hors-mis quelle ne porte point de cornes : et à la verité, elle me semble participer autât de l’asne que de la vache : car il se trouue peu de bestos d’especes diuerses, qui se ressemblent entierement sans quelque grande difference. Espéce de poisson estrâge. Comme aussi des poissons, que nous auons veu sur la mer à la coste de l’Amerique, se presenta un entre les autres ayant la teste côme d’un veau, et le corps fort bizarre. Et en cela pouuez voir l’industrie de Nature, qui a diuersifié les animaux selon la diuersité de leurs especes, tant en l’eau qu’en la terre.
