Moluques d’où viennent les espiceries, à ceux de l’Ethiopie, auiourd’huy appellée Guinée. Et pour ceste raison Pline a tres bien dit, que c’estoit la Taprobane des Antipodes, confondant, comme plusieurs, antipodes auec antichtones. Car certainemêt ceux qui viuent en ces isles sont antichtones aux peuples qui habitent cette partie de l’Ethiopie, comprenant depuis l’origine du Nil, iusques à l’isle de Meroè : côbien que ceux de Mexicone soyêt directemêt Antipodes aux peuples de l’Arabie Felice, et à ceux qui sont aux fins du cap de Bonne Esperance. Difference entre Antipodes et Antichtones. Or les Grecs ont appellé Antipodes ceux qui cheminent les pieds opposites les uns aux autres, c’est à dire, plâte contre plante, comme ceux dôt nous auons parlé : Anteci. et Antichtones, qui habitent une terre oppositement située : comme mesme ceux qu’ils appellent Anteci, ainsi que les Espagnols, François, et Alemans, à ceux qui habitent pres la riuiere de Plate, et les Patagones, desquels nous auons parlé au chapitre precedent, qui sont pres le detroit de Magellan, sont Antipodes. Parœci. Les autres nommez Parœci, qui habitent une mesme zone, comme François et Alemans, au contraire de ceux qui sont Anteci. Et combien que proprement ces deux ne soyent Antipodes, toutesfois on les appelle communement ainsi, et les confondent plusieurs les uns auec les autres. Et pour ceste raison i’ay obserué que ceux du cap de Bonne Esperance ne nous sont du tout Antipodes : mais ce qu’ils appellent Anteci, qui habitent une terre non opposite, mais diuerse, comme ceux qui sont par delà l’équinoctial, nous qui sommes par deça, iusques à paruenir aux Antipodes. Ie ne
