et fu mis en prison, et puis fu baillié au pape pour le punir ; et lors y ot trouvé de ses complices environ iic, lesquiex furent touz mis à mort.
Et en cest an, Edouart roy d’Angleterre, lequel estoit ja moult d’aage, prince caut[1] et sage, et en ses batailles moult fortunés, le xxxv an de son royaume mourut[2] ; auquel s’acorda ou royaume et en la seigneurie de Ybernie son filz de la contesse de Pontieu[3] qui avoit à non Edouart. Et toute voies avoit il iii enfans de Marguerite[4] sa femme seur du roy de France, laquelle le seurvesqui, desquiex le premier avoit non Thomas de Cornubie, et il ot la contée[5].
L’an de grâce ensuivant, mil CCC et VII, Loys, l’ainsné filz du roy Phelippe le Bel, en roy de Navarre fu coronné à Pampelune[7].
- ↑ Caut, prudent ; latin : « cautus ».
- ↑ Édouard Ier mourut à Burgh le 7 juillet 1307.
- ↑ La première femme d’Édouard Ier était Éléonore de Castille, fille de Ferdinand III, roi de Castille, et de Jeanne de Ponthieu, à laquelle elle succéda dans le comté de Ponthieu en 1279.
- ↑ La seconde femme d’Édouard Ier fut Marguerite, fille de Philippe III le Hardi et de Marie de Brabant.
- ↑ Latin : « quorum primogenitus, Thomas nomine, Cornubiæ tenuit comitatum ». Thomas, comte de Norfolk.
- ↑ Continuation de la Chronique latine de Guillaume de Nangis, éd. Géraud, t. I, p. 360. Cf. Rec. des Hist. des Gaules et de la France, t. XX, p. 595.
- ↑ Louis X fut couronné roi de Navarre à Pampelune, le 1er octobre 1307 (P. Anselme, t. I, p. 91).
