xxxv. Derechief, que des forez le roy il prist et osta tout le plus beau bois et le meilleur1.
xxxvi. Derechief, que le seneschal d’Auvergne li donna viic livres.
xxxvii. Derechief, une fame de Sens2 qui avoit forfait cors et avoir, elle li donna viiic livres, et ensi fu assouse.
xxxviii. Derechief, que i bidaut estoit acusez à court de pluseurs cas, il li donna pluseurs donz, et ensi fu assoulz.
xxxix. Derechief, que il fist pluseurs estanz en Normendie, esquiex il ajousta pluseurs heritages du roy.
xl. Derechief, que il puepla lesdis estanz des poissons des estanz le roy, et en i mist jusques à la value de xm livres.
xli. Derechief, que il avoit fait commandement as tresoriers et as mestres des contes que pour mandement que li rois leur fesist, que il n’obeissent, se il ne veoient ainçois son seel.
Adoncques yces articles diz et feniz et pluseurs devant ses iex approuvez, si ne li fu en nule maniere donnée audience de soi deffendre fors que l’evesque de Biauvez, son frere3, demanda copie des articles devant diz. Et yce fet, derechief au Temple emprison fu ramenez et ferré fermement en bons lians et en aniaux de fer, et gardez très diligaument.
4Après, en l’an de grâce ensivant M CCC et XV, Engerran de Marigny, qui au Temple, l’ostel jadis des Templiers, estoit en fers ferré et tenu em prison, voiant et apercevant que il fust em peril de mort, lors pensa par une esperance decevable, comme il poist ses anemis à mort baillier et traire, et par art de dyable, eulz, si comme l’en dit, destruire ; et especialment Charles le conte de Valois et le conte de Saint Pol5 qui estoient ses très grans adversaires. Et adonc manda sa fame, la dame de Marigny et la suer à ladite dame, la dame de Chantelou, et si comme il fu dit, son frere l’archevesque de Sens6, que il ve-
1. Dans les mss. 10132 et 17271 on a seulement : « il a ostei tout le plus bel ».
2. Ms. 17271, fol. 208.
3. Jean de Marigny, qui fut évêque de Beauvais, chancelier de France, puis archevêque de Rouen et mourut le 26 décembre 1351.
4. Bibl. nat., ms. fr. 10132, fol. 397 vo.
5. Gui IV.
6. Philippe de Marigny qui, après avoir été évêque de Cambrai, fut archevêque de Sens en 1309 et mourut en 1325.
