contre sainte Eglise ; et eslurent i Frere Meneur, lequel estoit appellé Pierre Ranuche, et le consacrerent en la maniere de la consecracion du pape. Et après ce que ledit Pierre fu ainsi consacré, et en la cité mené, il eslurent cardinaux, presque touz de l’ordre des mendians, jasoit ce que aucuns disoient que ceste ordenance ne venoit pas de la conscience du dit Loys duc de Baviere nouvellement fait emperere. Et fu nommé ledit frere Pierre de Ranuche[1], Nicholas le quint. Si avint que ledit antipape commença à estre aveques ledit Loys en la cité de Rome ; et là estoient à très grans frès et despens pris sus le peuple ; les quiex le peuple ne pot ou ne voult plus soustenir ; si furent contrains à issir hors de la cité, et commencierent à aler vagant par le roiaume d’Ytalie et par diverses autres citez.
Après ces choses, avint que le pape Jehan appella frere Michiel, general de toute l’ordre des Freres Meneurs, lequel frere Michiel estoit à Avignon pour le temps, et commanda audit frere Michiel, en vertu de sainte obedience, que les choses qui sont à la declaracion de la rieule, et meismement de la povreté de l’évangile, qu’il gardast fermement, et aussi à touz ses sougiez la commandast estre gardée sanz nul deffaut. Lequel frere Michiel respondi au pape Jehan moult
- ↑ Il est appelé aussi, de son lieu de naissance, Pierre de Corbara ou Corvara (Italie, prov. de Teramo). Élu le 12 mai 1328, couronné probablement le 22 mai suivant. Il adjura d’abord à Pise, puis à Avignon, le 24 août et le 6 septembre 1330. Il fut détenu jusqu’à sa mort survenue le 16 octobre 1333 (Baluze, Vitæ paparum Avenionensium, éd. Mollat, t. I, p. 143 à 151, et t. II, p. 196 à 210).
