Item, en ce meismes temps, comme la predicacion que le pape Jehan avoit faite à Avignon de la vision benoite, comme dessus est divisié, fust aussi comme mise au noient par samblant ; et la tenoient aucuns, par la faveur du pape, estre vraie, et plusseurs par paour ; si avint que i Frere Prescheur[1] prescha contre l’oppinion du pape, en tenant vérité. Mais quant le pape le sceut, il fist mettre ledit frère en prison[2]. Adonques furent envoiez de par le pape à Paris, ii freres, l’un Meneur[3] et l’autre Prescheur[4]. Si vint le Mineur en plaines escoles, et commença à preschier determinéement que les âmes beneurées, devant ne après le jour du jugement ne voient pas Dieu face à face ; dont très grant murmure sourdi entre les escoliers qui là estoient. Lors, tous les maistres en theologie qui estoient à Paris, jugierent celle opinion estre fausse et plaine de heresie. Quant le Frere Prescheur ot oy que pour la cause que ledit Frere Mineur avoit determinéement preschié de la benoite vision, grant esclandre estoit meu entre les escoliers de Paris, tantost il s’ordena pour aler à Avignon parler au pape. Mais avant qu’il partist, il dist en plain sermon, en excusant le pape, que il n’avoit pas dit tout pour ve-
- ↑ Thomas Walleis, maître en théologie, dominicain anglais. (Voir sur lui, Hist. littéraire de la France, t. XXXIV, p. 574 à 589).
- ↑ Thomas Walleis semble avoir été détenu pendant dix-sept mois, à partir du mois de janvier 1333, tant dans la prison de l’inquisiteur que dans celle du pape (Denifle et Chatelain, Chartularium Universitatis Parisiensis, t. II, p. 415, note 3).
- ↑ Arnaud de Clermont, qui devint ensuite évêque de Tulle (10 septembre 1333 à 1337).
- ↑ Durand de Saint-Pourçain, qui était évêque de Meaux depuis le 13 mars 1326 ; il mourut le 10 septembre 1334.
