Bailleul devant nommé, et s’en vint ledit roy à Saint Andrieu, et là reçut les hommages d’aucuns d’Escoce, mais ce ne fu pas des greigneurs. Et adonques conferma-il ledit Edouart en roy d’Escoce, et ordena que li et ses successeurs facent hommage aus roys d’Angleterre, en eulz portant aide contre touz. Et à supploier l’ost d’Angleterre, les roys d’Escoce seront tenuz chascun an de delivrer aus roys d’Angleterre ccc hommes d’armes et mil de pié à leurs despens par l’espace d’un an, et l’an passé, le roy ou les roys d’Angleterre qui après lui seront, ne les pourront retenir fors à leur despens. Or avint que les Escos sceurent la venue du conte de Namur, lequel s’estoit mis en la mer d’Escoce, et venoit une grant piece après le roy d’Angleterre pour li aidier contre les Escos. Si firent les Escos ii embusches, dont l’une des embusches fu devant ledit conte et l’autre par derriere. Quant ledit conte de Namur et toutes ses gens furent passez, si issirent ceulz de devant et puis ceulz de derriere ; si fu ledit conte enclos, et là fu pris, et plusseurs de ses gens mors. Adonques le conte de Moret qui pour l’amour du roy de France le vouloit delivrer et le convoioit aveques iiiixx hommes armez, si fu pris des Anglois quant il retournoit, et furent ses gens aussi comme touz mors, et ledit conte de Moret fu mené en une des prisons au roy d’Angleterre.
Item, en ce meismes an, les vins furent si vers et si crus que à paine les pooit-on boire sanz aucune indignacion.
Écosse à la fin du mois d’octobre 1336 (Thomas Walsingham, op. cit., t. I, p. 197).
