entre le roy de France et le roy d’Angleterre et entre les Flamens et leurs allez ; c’est assavoir le duc de Brebant, le conte de Haynaut, le duc de Haldres, le prince de Juilliers et aucuns autres, furent esloigniées à trois sepmaines, et en après, de terme en terme jusques à la feste saint Jehan Baptiste[1]. Et adecertes, il fu acordé qu’il ne feront nulles incursions l’un sur l’autre, se il n’est segnefié ou notablement intimé par un moys entier par avant.
Et en ce meismes an, le XXV jour du moys d’avril, environ heure de vespres, mourut à Avignon le pape Benedic XIIe, l’an de son pontifical VIII. Et le VIIe jour du moys de may ensuiant, environ heure de tierce, fu esleu en pape Pierre Rogier, cardinal de Roen, né de Lymozin, et fu nommé Climent le VIe[2]. Et oultre le xix jour de ce meismes moys à Avignon fu coronné. Ycestui pape Climent fu homme de grant lecture et docteur en theologie, et sus touz autres en son temps, il ot grâce de preschier et de bien et gracieusement parler, lequel Dieu si esleva par l’espace de XVI ans,
- ↑ Voir, p. 217, la note relative à cette prolongation de la trêve d’Esplechin.
- ↑ Après la mort de Benoît XII, les cardinaux, avant le conclave, et Clément VI, avant son couronnement, essayèrent de ramener la paix entre la France et l’Angleterre (E. Déprez, La guerre de Cent ans à la mort de Benoît XII, dans Revue historique, t. LXXXIII (1903), p. 58 à 76).
§ 141, à p. 59. Cf. Continuation de la Chronique latine de Guillaume de Nangis, t. II, p. 191-192. On pourra encore voir, pour ce qui concerne la guerre de Bretagne, la Chronique normande, p. 55 à 59, et Chronographia, t. II, p. 196 à 204. Jean le Bel, t. II, p. 1 à 21, et Froissart, éd. Luce, t. III, p. 1 à 35 et 197 à 247, s’étendent beaucoup plus sur tous ces événements.
