En celui an, le mardi avant la saint Nicholas d’yver[2], le conte de Norenthon[3] en Angleterre, qui pour le temps estoit principal capitaine de tous les Anglois qui estoient en Bretaigne, vint devers la ville de Karahes[4] en Cornoaille environ heure de prime. Li et toute sa gent assaillirent la ville de Guengamp[5] en l’eveschié de Triguier[6], et ne savoit mie la force ne la constance des habitanz, car pour ce que la ville se sentoit bien garnie, elle doubta trop pou ledit conte, ainçois fu-il moult esbahiz, grevez et troublez de ce qu’il li gettoient à fondes et autres engins. Et quant il vit qu’il n’avoit force contre eulz, il s’en parti moult confus et bouta le feu es forbours de la ville. Après ce, le jour meismes, il s’en vint à v liues de Guengamp, et i pou après midi fu devant la ville de la Roche Deryan[7], laquelle ville ne se doubtoit point des anemis,
- ↑ Chronique de Richard Lescot, p. 67, § 166.
- ↑ 29 novembre 1345.
- ↑ Guillaume Bohun, comte de Northampton, avait été institué par Édouard III son lieutenant général en Bretagne le 24 avril 1345 (Rymer, t. III, p. 37).
- ↑ Carhaix, Finistère, arr. de Châteaulin, ch.-l. de cant.
- ↑ Guingamp, Côtes-du-Nord, ch.-l. d’arr.
- ↑ Tréguier, Côtes-du-Nord, arr. de Lannion, ch.-l. de cant.
- ↑ La Roche-Derrien, Côtes-du-Nord, arr. de Lannion, ch.-l. de cant.
