sanz les petites nefs et autres vaissiaux, descendi en Normendie au lieu que l’en dit la Hogue Saint Vaast[1], et fu le mercredi xii jours de juillet, et dès lors s’appelloit roy de France et d^Angleterre. Et à l’instance de Godefroy de Harecourt qui le menoit et conduisoit, il commença à gaster et à ardoir le pays. Et premierement, vint à la ville de Nulli l’evesque[2], à laquelle il ne pot mal faire, pour la force du chastel ; si s’en parti et vint d’ilec à Montebourc[3] où il s’arresta par aucun temps ; et tandis, Godefroy de Harecourt faisoit tout le domage qu’il pooit par tout le pays de Costantin. Après, le roy d’Angleterre vint à la ville de Karantan[4] et prist la ville et le chastel ; et touz les biens qu’il y prist fist mener en Angleterre, et bailla le chastel en garde à monseigneur Nicholas de Groussi et à monseigneur Rollant de Verdun, chevaliers.
Et quant le roy d’Angleterre se parti de Karantan, aucuns Normans, aveques messire Phelippe le Despensier, s’assamblerent et recouvrerent à force d’armes la ville et le chastel, et les ii chevaliers dessus nommés pristrent et les envoierent à Paris[5]. Entre ces choses le roy d’Angleterre vint à Saint Laudun[6] en Constantin, et fist enterrer sollempnelment les testes de trois chevaliers qui pour leur demerites avoient esté occis à
- ↑ Saint-Vaast-de-la-Hougue, Manche, arr. de Valognes, cant. de Quettehou.
- ↑ Auj. Neuilly, Calvados, arr. de Bayeux, cant. d’Isigny.
- ↑ Montebourg, Manche, arr. de Valognes, ch.-l. de cant.
- ↑ Carentan, Manche, arr. de Saint-Lô, ch.-l. de cant. Édouard III prit cette ville le 20 juillet (J. Viard, op. cit., p. 15).
- ↑ Ils y furent décapités le 14 décembre 1346.
- ↑ Saint-Lou (Bibl. nat., ms. fr. 17270, fol. 411).
