Saint Sepulcre et visiter la Sainte Terre, encouragiez et meu de devocion, desirans d’aler oultre mer visiter le Saint Sepulcre et aorer aveques lui, vendirent leurs heritages et tout ce de quoy il pooient faire argent, et vindrent à Paris touz près pour partir la sepmaine peneuse. Et messire Loys regarda qu’il n’avoit pas bien prosperité pour parfaire son passage ; si fist preescher le jour du saint Vendredi aouré[1], en plain palais, qu’il n’entendoit pas à faire ce voiage ne passer la mer en celle année ; mais, l’année passée, venissent à Lyons sus le Rosne, et ilec leur seroit dit le port où les pelerins devroient apliquier. Lesquelles paroles oyes, plusseurs furent escandaliziez et plusseurs s’en moquierent. Et ainsi furent defraudez de leurs ententes ceulz qui avoient venduz leurs heritages et autres biens, et s’en retornerent en leurs contrées dolens et corrouciez.
L’an de grâce mil CCC XXVI[3], la royne de France,
- ↑ 21 mars 1326.
- ↑ Continuation de la Chronique latine de Guillaume de Nangis, éd. Géraud, t. II, p. 67 à 73, et Rec. des Hist. des Gaules et de la France, t. XX, p. 640-641. Continuation de Géraud de Frachet, dans Rec. des Hist., t. XXI, p. 66 et 67. Cf. Chronique de Jean le Bel, éd. Viard et Déprez, t. I, p. 15 à 32, et Froissart, éd. Luce, t. I, 2e partie, p. 17 à 36.
- ↑ Le 11 mai, jour de la Pentecôte.
