Va aprendre ; bien t’est mestiers.
Tu es et moult baus et moult fiers ;
As tu ci nul de tes parenz ?
Tu te fez prone entre les genz.
Et si vous veus ci fere[1] entendre
Que nus ne te porroit aprendre
Por ce qu’il te facent aïue.
Tu n’as pas ta borde vendue,
Qui ainsi bestornes les nons.
Tu es li sages Salemons,
Qui tant aprist que en folie
Torna le sens de sa clergie.
Tant as vescu que tu radotes,
Or[2] t’est avis que, por .II. cotes
Que tu as environ tes os,
Que nus ne soit jamès si os
Que il devant toi parler ost
Ne plus que devant .I. provost.
Ce est coustume de chetif
Et de truant ribaut faintif
Que, quand il vient à .I. poi d’aise,
Dont ne voit rien ne li desplaise.
De maigre poille par nature
Plus male d’autre est la morsure.
Ne deüsses pas avoir cote
Qui fust entire ? mès la hote
Ce deüst estre tes mestiers,
Et fîen porter en .II. paniers.
Mestier n’as entre nule[3] gent
Qui en els aient escient.
Page:Montaiglon - Recueil général et complet des fabliaux des 13e et 14e siècles, tome II.djvu/272
Le texte de cette page a été corrigé et est conforme au fac-similé.
258
50
fabliau liii
