Page:Montaiglon - Recueil général et complet des fabliaux des 13e et 14e siècles, tome II.djvu/52

38

230

fabliau xxxiii

Oïl, » fait Jakès entresait ;
« Se guerpir volés, sans nul plait,
Le porcelet ke nouri as.
Gesir te ferai en^[1] ses bras.
205— Oïl » fait il, « par tel marchiés
Le vous guerpisse volentiers.
— Or m’atent dont à cest perron ;
Je m’en irai à no maison.
Se choucerai o la pucele,
210Qui tant est gentiex et biele. »
Chou dist Mousès : « A Diu aies ;
Quant vous poés, si revenés. »
Et Jakès li mauniers s’en torne ;
Dusc’à la maison ne destorne.
215Il a trové l’uis entr’overt^[2] ;
Tout souef l’a arière ouvert ;
Ens est entrés, puis le referme ;
Mais molt se doute de sa feme,
Qu’il cuide k’en sa chambre gisse.
220Mais je cuic la mescine i gisse.
Au lit en vint, lès le fouier
Dalès sa femme tost choucier.
Il cuide che soit^[3] la meschine ;
Si l’a acolée et baisie ;
225.V. fois li fist li giu d’amours,
Ains ne se mut nient plus c’uns hors.
Il iert jà priés de mie nuit ;
Li mauniers crient Mouset^[4] n’anuit,
Qui l’atent séant à la pière ;
230Ses demoures forment li griève.

1. 204 — * en ; ms., entre.
2. 215 — * entr’overt ; ms., entrovet.
3. 223 — * che soit ; ms., que che soit.
4. 228 — * Mouset ; ms., molt ert.