Se je n’en ai mout tot aïe ?
Por amor Deu, ma doce amie,
Alez, si me querrez .I. mire :
Ja cele rien ne savra dire
Que je ne li doigne del mien. »
Atant oïrent un maingnien
Qui son mestier aloit criant,
Et la pucele maintenant
Vient à l’uis, lo meignien apele,
Qui portoit une viez paele.
Tantost en la maison entra,
Et la dame li demanda
Se il savoit point de mecine :
« Dame, j’ai encor tel racine
Qui vos garroit, n’en dotez rien. »
La dame li dist : « Por combien ?
— Por .XX. et .VI. sous de mansois ;
N’en prandroie mie estanpois,
Et sachiez que bien vos garrai.
— Mais .XX. sous prenez sanz delai,
Et jel vous fera ja baillier. »
Ainz ne se vost cil traveillier
Ne estre del conter en poine.
Maintenant par la main l’an moine,
Si l’a cochiée sor un lit.
Li pautoniers qui ont gros vit
La fot mout viguerosemant.
Après li demande commant
Li estoit ; et cele dit : « Bien ;
Se vos avez eu del mien,
Page:Montaiglon - Recueil général et complet des fabliaux des 13e et 14e siècles, tome V.djvu/191
Le texte de cette page a été corrigé et est conforme au fac-similé.
78
181
do maignien qui foti la dame
