Page:Montaiglon - Recueil général et complet des fabliaux des 13e et 14e siècles, tome V.djvu/194

CXXXI

LI SOHAIZ DESVEZ

[par jean bedel]

Bibl. de Berne, Mss. 354, fol. 100 v^o à 102 v^o.^[1]

1
D’une avanture que je sai
Que j’oï conter à Douai
Vos conterai briémant lasome,
Q’avint d’une fame et d’un home
5Ne sai pas de chascun lo non.
Prodefame ert, et il prodon ;
Mais tant vos os bien afichier
Que li uns ot l’autre mout chier.
.I. jor ot li prodom afaire
10Fors do païs ; en son afaire
Fu bien .III. mois fors de la terre
Por sa marcheandise querre.
Sa besoigne si bien li vint
Que liez et joiauz s’an revint
15A Douai, .I. joudi anuit.
Ne cuidiez pas que il anuit
Sa fame, qant ele lo voit :
Tel joie, con ele devoit,
En a fait con de son seignor :
20Ainz mais n’en ot joie graignor.

1. CXXXI. — Li Sohaiz desvez, p. 184.

   Publié par Méon, Nouveau Recueil, I, 293-300.