Page:Rabelais marty-laveaux 02.djvu/189

Comment par Pantagruel & Panurge eſt Triboullet blaſonné^[1].

Chapitre XXXVIII.

Par mon ame (reſpondit Panurge) ie le veulx. Il m’eſt aduis que le boyau m’eſlargit. Ie l’auois nagueres bien ſerré & conſtipé. Mais ainſi comme auons choizy la fine creme de Sapience pour conſeil, auſſi vouldrois ie qu’en noſtre conſultation præſidaſt quelqu’vn qui feuſt fol en degré ſouuerain. Triboulet (diſt Pantagruel) me ſemble competentement fol. Panurge reſpond. Proprement & totalement fol.

.pantagrvel.

$\left\{{\begin{matrix}\\\\\\\\\\\\\\\\\end{matrix}}\right.$

Pantagruel f. fatal. f. de nature. f. Iouial. f. Mercurial. f. Lunaticque. f. erraticque. f. ecentricque. f. æteré & Iunonien.

.panvrge.

$\left\{{\begin{matrix}\\\\\\\\\\\\\\\\\\\end{matrix}}\right.$

Pa. f. de haulte game.[2] f. de b quarre & de b mol. f. terrien. f. ioyeulx & folaſtrant. f. iolly & folliant. f. à pompettes. f. à pilettes. f. à ſonnettes. f. riant & Venerien.

1. Comment… eſt Triboullet blaſonné. Les litanies burlesques qui suivent semblent empruntées aux usages de nos anciennes sociétés bouffonnes. Le Cry du Ieu du prince des Sotz de Gringore (Bibl. elzév., t. I, p. 201) commence ainsi :

   Sotz lunatiques, Sotz eſtourdis, Sotz ſages,
   Sotz de villes, de chaſteaulx, de villages,
   Sotz raſſotez, Sotz nyais, Sotz ſubtilz,
   Sotz amoureux, Sotz priuez, Sotz ſauuages.

   Voyez aussi : Roger de Collerye, Bibl. elzév., p. 271-275 ; Anciennes poëſies françoiſes, Bibl. elz,, t. I, p. 11, et t. III, p. 11.

2. F. de haulte game.

   Et Fol iuſque à la haute Game.

   (Clém. Marot, Epitaphe VI, De Iouan Fol de ma Dame)