Le Livre des ballades/Affaire eussions du bon duc de Bourgogne
du duc de Bourgogne
Plourez, Françoys, tout d’un commun vouloir
Grans & petis, plourez ceſte grant perte !
Plourez, bon roy, bien vous devez vouloir ;
Plourer devez voſtre grevance apperte !
Plourez la mort de cil qui, par deſſerte,
Amer deviez & par droit de lignaige,
Voſtre loyal noble onde, le très ſaige,
Des Bourguignons prince & duc excellent ;
Car je vous dy qu’en mainte grant beſongne
Encor direz treſtuit à cuer dolent ;
Affaire euſſions du bon duc de Bourgongne.
Plourez, Berry, & plourez tuit ſy hei
Car cauſe avez, mort la vous a ouverte !
Duc d’Orléans, moult vous en doit chaloir ;
Car par ſon ſens mainte faute eſt couverte !
Duc des Bretons, plourez ; car je ſuis certe
Qu’affaire avez de luy en vo jeune age !
Plourez, Flamens, ſon noble ſeignourage !
Tout noble ſanc, allez vous adoullant !
Plourez, ſes gens ! car joie vous eſlongne ;
Dont vous direz ſouvent en vous doullant :
Affaire euſſions du bon duc de Bourgongne.
Plourez, Royne, & ayez le cuer noir
Pour cil par qui feuſſes on troſne offerte !
Plotirez, dames, ſans en joie manoir !
France, plourez : d’un pillier eſ déſerte.
Dont ta reçoys esches à deſcouverte ;
Gar toy du mal ! quant mort par ſon oultrage
Tel chevalier t’a toulu, c’eſt dommaige !
Plourez, pueple commun, ſans eſtre lent ;
Car moult perdez, & chaſcun le teſmoingne,
Dont vous direz ſouvent mate & relent :
Affaire euſſions du bon duc de Bourgongne.