Le Livre des ballades/En paine, soussy & doleur
Las ! Mort qui t’a fait ſi hardie,
De prendre la noble Princeſſe
Qui eſtoit mon confort, ma vie,
Mon bien, mon plaiſir, ma richeſſe
Puiſque tu as prins ma maiſtreſſe
Prens moy auſſi ſo ſerviteur,
Car j’ayme mieulx prochainement
Mourir, que languir en tourment,
En paine, ſouſſy & doleur.
Las ! de tous biens eſtoit garnie,
Et en droite fleur de jeuneſſe ;
Je pry d Dieu qu’il te maudit
Faulſe mort, plaine de rudeſſe ;
Se priſe l’euſſes en vieilleſſe,
Ce ne fuſt pas ſi grant rigueur ;
Mais priſe l’as haſtivement,
Et m’as laiſſié piteuſement
Enh paine, ſouſſy & doleur.
Las ! je ſuis ſeul, ſans compaignie,
Adieu ma Dame, ma lieſſe ;
Or eſt noſtre amour departie,
Non pourtant, je vous fais promeſſe
Que de prieres, à largeſſe,
Morte vous ſerviray de cueur,
Sans oublier aucunement,
Et vous regrecteray ſouvent
En paine, ſouſſy & doleur.
Dieu, ſur tout ſouverain Seigneur,
Ordonnez, par grâce & doulceur,
De l’ame d’elle, tellement
Quelle ne ſoit pas longuement
En paine, ſouſſy & doleur.