Le Livre des ballades/Pure licorne expellant tout venin
Qui se vint rendre à pureté
Le grand veneur, qui tout mal pourechaſſe
Parlant epieux agus & affilés,
Tant pourchaſſa par ſa mortelle chaffe,
Qu’il print un cerf en ſes lacz & filetz
Leſquels avoit par grand deſpit fillés
Pour le ſurprendre au beau parc d’innocence.
Lors la licorne en forme & belle eſſence
Saillant en l’air comme royne des beſtes,
Sans craindre envieux & canin,
Monſtrer ſe vint au veneur à ſept teſtes
Pure licorne expellant tout venin.
Le faulx veneur, cornant par fiere audace,
Les chiens mordans ſur les champs arrangés,
L’esperant prendre en quelque infecte place,
Par la fureur de tels chiens enragés ;
Mais deſonfits, las & découragés,
Ne luy ont faict morſeure ou violence,
Car le lyon de divine excellence
La nourriſſoit d’herbes & fleurs celeſtes.
En la gardant par ſon plaiſir benin,
Sans endurer leurs abboys & moleſtes,
Pure licorne expellant tout venin.
Sus elle eſtoit prévention de grace,
Portant les traits d’innocence empanés
Pour repeller la vénéneuſe trace
De ce chaſſeur & ſes chiens obſtinés,
Qui furent tous par elle exterminés
Sans lui avoir inféré quelque offenſe.
Sa dure corne eſlevoit pour deffenſe,
Dormant ſupport aux beſtes trop ſubjectes
A ce veneur cauteleux & malin,
Qui ne print onc par ſes dards ni ſagettes
Pure licorne expellant tout venin.
Ainſi faillit pardeſſus ſa fallace
Et dards pointus d’archer mortel ferrés,
Se recevant ſur haultaine tarraſſe
Sans eſtre prinſe en ſes lacz & ſes rhetz,
Leſquelz avoit fort tyſſus & ſerrés
Pour lui tenir par ſa fiere inſolence ;
Mais par douceur & par benivolence
Rendre les vint entre les bras honneſtes
De pureté plaine d’amour divin,
Qui la gardoit, ſans taches deshonneſtes,
Pure licorne excellant tout venin.
Pour eſtre ès champs des beſtes l’oultrepaſſe.
Et conforter vous humains déſolés,
Triomphalment ſeule eſchappe & ſurpaſſe
Les lacs infects par icelle aduullés.
Dont ici bas nous ſommes conſolés
Par la licorne où giſt toute affluence
D’immortel bien par céleſte influence ;
Car par ſes faits et méritoires geſtes
A conſervé tout l’orgueil ſerpentin
En ſe monſtrant par vertus manifeſtes
Pure licorne expellant tout venin.
Veneur maudit, retourne à tes tempeſtes,
Va te plonger au gouffre ſulphurin,
Puiſque n’as prins, par les cors & trompeſtes,
Pure licorne expellant tout venin.