Les Œuvres de François Rabelais (Éditions Marty-Laveaux)/LeQuartLivre/40
Comment par frere Ian eſt dreſſee la Truye &
les preux cuiſiniers dedans enclous.
Chapitre XL.
ors au mandement de frere Ian feut par les maiſtres ingenieux dreſſee la grande Truye, laquelle eſtoit dedans la nauf Bourrabaquiniere[1]. C’eſtoit vn engin mirificque faict de telle ordonnance, que des gros couillarts qui par rancs eſtoient au tour, il iectoit bedaines & quarreaux empenez d’aſſier : & dedans la quadrature duquel pouoient aiſement combatre & à couuert demourer deux cens hommes & plus : & eſtoit faict au patron de la Truye de la Riole[2], moyennant laquelle feut Bergerac prins ſus les Anglois regnant en France le ieune roy Charles ſixieme. Enſuyt le nombre & les noms de preux & vaillans cuiſiniers, les quelz, comme dedans le cheual de Troye, entrerent dedans la Truye.
| Saulpicquet. | Salezart. |
| Ambrelin. | Maindeguourre. |
| Guauache. | Paimperdu. |
| Laſcheron. | Laſdaller. |
| Porcauſou. | Pochecuilliere. |
| Creſpelet. | Cabirotade. |
| Maiſtre Hordoux. | Carbonnade. |
| Graſboyau. | Freſſurade. |
| Pillemortier. | Hoſchepot. Haſteret. |
| L’eſcheuin. | Balafré. Gualimafré. |
Tous ces nobles Cuiſiniers portoient en leurs armoiries en champ de gueulle lardouoire de Sinople feſſee d’vn cheuron argenté penchant à guauſche.
| Lardonnet. Lardon. | Rond lardon. |
| Croquelardon. | Antilardon. |
| Tirelardon. | Frizelardon. |
| Graſlardon. | Lacelardon. |
| Sauluealrdon. | Grattelardon. |
| Archilardon. | Marchelardon. |
Guaillardon, par ſyncope natif pres de Rambouillet. Le nom du docteur culinaire eſtoit Guaillartlardon. Ainſi dictez vous Idolatre pour Idololatre.
| Roiddelardon. | Bellardon. |
| Aſtrolardon. | Neuflardon. |
| Doulxlardon. | Aigrelardon. |
| Maſchelardon. | Billelardon. |
| Trappelardon. | Guignelardon. |
| Baſtelardon. | Poyſelardon. |
| Guylleuardon. | Vezelardon. |
Noms incongneuz entre les Maranes & Iuifz.
| Couillu. | Paſtiſſandiere. |
| Salladier. | Raflard. |
| Creſſonnadiere. | Francbeuignet. |
| Raclenaueau. | Mouſtardiot. |
| Cochonnier. | Vinetteux. |
| Peaudeconnin. | Potageouart. |
| Apigratis. | Frelault. |
| Iuſuerd. | Eſcarguotandiere. |
| Marmitige. | Bouillonſec. |
| Accodepot. | Souppimars. |
| Hoſchepot. | Eſchinade. |
| Brizepot. | Prezurier. |
| Guallepot. | Macaron. |
| Frillis. | Eſcarſaufle. |
Briguaille. Ceſtuy feut de cuiſine tiré en chambre pour le ſeruice du noble cardinal le Veneur.
| Guaſteroult. | Haſtiueau. |
| Eſcouuillon. | Alloyandiere. |
| Beguinet. | Eſclanchier. |
| Eſcharbotier. | Guaſtelet. |
| Vitet. | Rapimontes. |
| Vitault. | Soufflemboyau. |
| Vituain. | Pelouze. |
| Ioliuet. | Gabaonite. |
| Vitneuf. | Bubarin. |
| Viſtempenard. | Crocodillet. |
| Victorien. | Prelinguant. |
| Vituieulx. | Balafré. |
| Vituelu. | Maſchouré. |
Mondam inuenteur de la ſaulſe Madame, & pour telle inuention feut ainſi nommé en languaige Eſcoſſe François.
| Clacquedens. | Guauffreux. |
| Baguioincier. | Saffranier. |
| Myrelanguoy. | Malparouart. |
| Becdaſſee. | Antitus. |
| Rincepot. | Nauelier. |
| Vrelelipipingues. | Rabiolas. |
| Maunet. | Boudinandiere. |
| Guodepie. | Cochonnet. |
Robert. Ceſtuy feut inuenteur de la ſaulſe Robert tant ſalubre & neceſſaire aux Connilz rouſtiz, Canars, Porcfrays, Oeufz pochez, Merluz ſallez, & mille aultres telles viandes.
| Froiddanguille. | Saulpoudré. |
| Rougengraye. | Paellefrite. |
| Guourneau. | Landore. |
| Gribouillis. | Calabre. |
| Sacabribes. | Nauelet. |
| Olymbrius. | Foyrart. |
| Foucquet. | Groſguallon. |
| Dalyqualquain. | Brenous. |
| Salmiguondin. | Mucydan. |
| Gringuallet. | Matatruys. |
| Aranſor. | Carteuirade. |
| Talemouſe. | Cocquecygrue. |
| Groſbec. | Viſedecache. |
| Frippelippes. | Badelory. |
| Friantaures. | Vedel. |
| Guaſſelaze. | Braguibus. |
Dedans le Truye entrerent ces nobles cuiſiniers guaillars, quallans, brusquetz, & prompts au combat. Frere Ian auecques ſon grand badelaire entre le dernier & ferme les portes à reſſort par le dedans.
- ↑ La nauf Bourrabaquiniere. « La ſixieme (pour diuiſe auoit) vn Bourrabaquin monachal. » (t. II, p. 270)
- ↑ La Truye de la Riole. « Eurent conſeil ceux de l’oſt, pour leur beſogne approcher & pour plus greuer leurs ennemis, que ils enuoieroient querre en la Riolle vn grant engin que on appelle truie, lequel engin eſtoit de telle ordonnance que il ietoit pierres de faix ; & ſe pouuoient bien cent hommes d’armes ordonner dedans & en approchant aſſaillir la ville. » (Froissart, Chroniques, liv. II, c. 5)