Page:Anonyme - Macaire, chanson de geste.djvu/256

64

747—773

Macaire.

Q’el çunse ad une fontane, à costé d’un pendant
De una selve mervilosa e grant.
La raina la vi, à covoter la prant ;
Ela dist ad Albaris ennoiant :
« Albaris sire, e vos pre e demant
« Qe à la fontane me metés davant.
« Si son lasée de boir n’o talant. »
Dist Albaris : « Vu parlé saçemant. »
Elo desis del palafroi anblant,
Ven à la dame, en ses braçe la prant,
Del palafroi la desis mantenant,
Sor la fontane l’a mis en seant.
E la dama ne boit qi n’oit gran talant.
Si sa lava le man e le vis ensemant.
Pois si a levé le çevo, si s’a guardé davant
E vide Machario venir esperonant,
E si estoit armé d’arme e de guarnimant.
Quando le vi, nen fo mais si dolant ;
Molto durament à lamenter se prant :
« Albaris, fait ela, el nos va malemant,
« Qe de ça ven li malvas seduant
« Par cui e son caçea del reame de Franc. »
Dist Albaris : « No vos doté niant ;
« Ben vo savero defendre à tuto me poant. »
Atant ecote vos li traitor seduant ;
Ad Albaris elo dist ennoiant :
« Tu no la po mener par nula ren vivant ;