Page:Anonyme - Macaire, chanson de geste.djvu/305

1324—1350

113

Macaire.

Cil s’achemine à force et à vertu,
Et la roïne si vait deriere lui. (*)
Trespassent France, que aresté n’i fu,
Et la Proense, que nen ont connéu,
Et Lombardie trestote par menu.
Tant sont alé, ne sont arrestéu, (*)
Que à Venice à la fin sont venu.
En nef entrerent, outre mer ont coru. (*)
Et trestuit cil qu’ont Varocher véu,
Chascuns l’esgarde, si s’en rit riere lui.
Tant ont erré parmi ces puis agus, (*)
Passent ces pors, et vaus et prés herbus,
Qu’en Honguerie à la fin sont venu.
Chiés un boin oste là sont il descendu.
Deus filles ot, onc plus beles ne fu,
Et sa moillier si fu de grant vertu,
Qui moult amoit povres gens, et menus.
Et fu li ostes et sages et membrus ;(*)
Primerain ot à nom, moult connéus
De tote gent, des grans et des menus. (*)
Et Varocher cuide, qui l’a véu,
Que soit issus dou sens et decéus
Por le baston qu’il ot gros et costu, (*)
Et por le chief que il ot si velu.
Et quiert li ostes li soit amentéu (*)
De quel tere est et d’ont il est venus.
Dist Varochers : « D’outre les puis agus