« Avec cestui terre estrange cercher ? »
La dame l’ot, si comence à plorer ;
Ja li dira un poi de son penser.
Si a le roi la roïne aresné :
« Gentis rois sire, ja ne vos ert celé ;
« Le voir orrés, se oïr le volés.
« La moillier sui Kallemaine au vis fier,
« Le meillor roi qui se péust trover.
« Un maus traïtre me fist à mort jugier,
« De mon réaume si me fist il geter, (*)
« Malvaisement, à grant tort et pechié.
« Diex en set bien tote la verité
« Se onques mais je pensai malvaistié. (*)
« Si com li rois m’ot à morir jugié,
« Ja ert li feus espris et alumés,
« Atant me vint uns abes confesser ;
« Et quant il ot oï tos mes pechiés,
« Adonc me fist de la mort deslivrer.
« Et si com fu mes sire conseilliés,
« Il me bailla ad un suen chevalier
« Por me mener en estrange regné.
« Quant de Paris je m’alai eslonger,
