Page:Anonyme - Macaire, chanson de geste.djvu/329

1617—1643

137

Macaire.

« Retée fu d’un malvais pautonier,
« Dont Kallemaines, l’emperere al vis fier,
« La fist banir de son regne et geter,
« Si l’enchargea ad un suen chevalier (*)
« Qui la devoit et conduire et mener
« Fors de son regne et de tot son terier,
« Quant cil traïtre qui l’ot achoisoné
« De totes armes armés li vint arier
« E si l’ocist al branc forbi d’acier,
« Dont li covint par le bois s’en aler.
« Ele s’en vint en Hongrie osteler,
« Illec s’agiut d’un petit bachelier.
« Et quant ce vint à l’enfant bautisier,
« Que le portoit ses ostes au moustier,
« Atant li rois si se le fait mostrer,
« Voit sor s’espaule une crois blanchoier, (*)
« Dont conoist il n’est fis à pautonier.
« Por ce l’enfant vout faire bautisier
« Si hautement com se puet deviser.
« Et quant il vint à sa mere parler,
« Ele li prist dou tot à raconter
« Ce que l’avint et devant et derier,
« Dont la fist il mener à son ostel
« Et richement et vestir et chaucier.
« Tant l’honererent trestuit li chevalier
« C’on nel porroit dire ne deviser.
« Li rois vod mande com en volés ovrer ;