Page:Anonyme - Macaire, chanson de geste.djvu/334

142

1686—1707

Macaire.

E li rois d’Ongarie altament regraciant ;
E proferando à lui son oro e son arçant
E son reame e darer e davant.
Va s’en li anbasaor e legri e çoiant,
E qui de l’inperer s’en vait ensemant.
Tant sont alé por la mer naçant
Venent en Ongarie et ilec desant.
Li rois quando le vi, le recoit çentilmant,
Honor le fait merviloso e grant.
E cil le vait molto regraciant
De ço qe oit fato à sa fila valant.
Li rois d’Ongarie li recoit si çentilmant
Con se poroit conter par nul senblant.
E Blançiflor la raine dè Franç
Quando le voit, contre lor li vait corant ;
Ben li conoit, qe i son so parant.
De son per demande primemant
E de sa mer q’ela perame tant.
« Dama, fait il, de vos i son dolant ;
« Par nos i mande si vos atant.
« Or li verés, ma dame, e vos e ves enfant. »
Ela le dist : « Voluntera por talant. »