Page:Anonyme - Macaire, chanson de geste.djvu/424

232

2737—2763

Macaire.

Dist dux N. : « Vaez quel mal fer !
« Le ver diable le fe ençendrer.
« Tel colpo me dono del brando d’açer
« Desor mon elme q’el me fe enbronçer
« Desor l’arçon de la sela darer.
« Deo me guari in carne no me pote bailer. »
Dist l’inperer : « De lui me poso blasmer,
« E cre par voir, s’il e o que la sper,
« Q’el ert cil malvasio liçer
« Qe l’altro jor me furo mon destrer.
« A moi resenble qe eo le voi çivalçer.
« Ma, se à lui eo me poso aprosmer,
« Çer li vendero à mon brando d’açer. »
E Varocher non cura de so tençer ;
Tutora vait et avant et arer.
En me la voie, delez un senter,
Oit encontré Bernard da Mondiser.
Tel li dona de li brando d’açer
Desor li elme, qi fo lusant e cler,
[Que flors et pieres en fait jus craventer] ;
De quel non trançe la monta d’un diner.
Si gran colpo li dono Varocher
Q’elo l’abate dal corant destrer ;
O voia o non, li ait par presoner,
Via l’en mene sens nosa e tençer,
Tros à la tente de li so enperer.
A Blançiflor li dono à guarder.