Page:Anonyme - Macaire, chanson de geste.djvu/478

286

3398—3424

Macaire.

Contra li vent çivaler e peon,
Per oldir novelle se la pas averon.
Virent Varocher e le petit garçon
Qe plu fu bel qe non fu Ansalon.
Le çevo blondo, cun pene de paon ;
Plu bel damisel uncha non vi nul hon.
Quant i furent davant li rois K,
Li rois li apelle, si le mis por rason :
« Or dites moi qi est quel garçon ?
« L’avi trové en via o in boschon ?
« Un plu bel damisel uncha non vi nul hon. »
E dist N. : « Quan saverés ses non,
« Plu l’amarés qe li oeli del fron. »
Oldés miracle de Deo qe manten li tron !
L’enfant se parti de braçe de N,
E ven à K., sil prist al menton.
« Pere, fait il, ben so la leçion
« De moia mere coment s’en alon.
« Vestre fil son par droita nasion,
« E se nol créés, q’en fosi en sospicion,
« Trover me poés le segno qe avon,
« Desor la spala la crox droita son. »
Li rois l’olde, si n’apella N.
« N., fait il, qe dist ste garçon ?
« Ne poso entendre niente de sa rason.
« Donde l’avés ? dites moi qe il son. »
E dist N. : « Vu le saverés par non.