Clou, de luy venir parler en la conciergerie du bois de Boullongne, ce qu’il fit, et elle le pressa fort sur ce mariage. Il ne luy respondit rien pour lors ; mais Mr le Coygneux vint dire le lendemain a la reine que Monsieur s’y porteroit et qu’elle pouvoit escrire a Florence : et lors que Monsieur pressoit pour aller commander l’armée a la Rochelle, la reine luy ayant fait obtenir congé d’y aller, il luy dit qu’il estoit resolu d’espouser la fille de Florence et qu’elle pouvoit traitter ce mariage : et lors qu’en suitte le roy l’ayant fait arrester a Saumur, la reine fit lever cet arrest, Monsieur luy manda qu’il la suppliait tres humblement d’envoyer, comme elle fit, Luca de li Asini a Florence pour empescher que cette princesse ne fut mariée au duc de Parme[1].
Aust. — Dieu en fin renvoya la santé au roy, et fit tenir bon aux assiegés de la citadelle de Saint Martin de Ré contre le duc de Bocquinguem, et l’opinion de tout le monde, ce quy anima le roy de telle sorte de les aller secourir qu’a peine pouvoit il encores monter a cheval qu’il voulut partir pour y aller, monsieur son frere ayant desja investy la Rochelle du costé de Coreilles[2], s’estant logé a Netré[3] avesques son armée, et aux environs jusques a Ronsay[4]. Il m’envoya querir (septembre) a Saint Germain ou il s’estoit fait
- ↑ Voir à l’Appendice. XIII.
- ↑ La pointe de Coreilles, ou des Minimes, resserre au sud le canal qui forme l’avant-port de la Rochelle.
- ↑ Aytré, bourg situé au sud de la Rochelle, à une lieue environ de cette ville. Ce nom est souvent écrit Netré dans les histoires du temps.
- ↑ Rompsay, lieu situé au nord d’Aytré et à l’est de La Rochelle.
