rement pour l'affection qu’il luy a portée des son enfance ; que le marquis de Tavannes estoit desja mestre de camp de Navarre et avoit plus servy que ceux que Mr le Grand avoit proposés au roy pour la lieutenance de roy de Bourgongne ; qu’au reste le roy n’estoit pas obligé de mettre en cette charge ceux que le gouverneur de la province luy nommoit, ny moins desirer[1] qu’ils fussent trop conjoints d'amitié ou de despendance.
Le lundy 29me Mr le mareschal de Crequy mena disner Mr le Comte, Mr de Longueville, et moy, a sa belle maison de Vigille[2], ou nous y vismes Mr de Canaples bien malade. Ce voyage se fit affin de donner lieu au parlement de resoudre ce qu’ils feroint sur l'arrivée de Mr le Comte leur gouverneur que par devoir ils estoint obligés de visiter. Le fait estoit que le parlement de Grenoble dont le gouverneur est le chef et y preside, les arrets se faisans en son nom quand il n’y a point de dauphin en France, rendoit de tout temps de grands devoirs a leurs gouverneurs et lieutenans de roy, entre autres que, luy arrivant ou s’en allant, la court luy venoit faire la reverence en corps, laquelle il n’alloit conduire que jusques sur le haut de son degré : la mesme chose s’observoit au lieutenant de royMr; dont ils estoint en possession immemoriale et quy n’avoit point esté contestée a Mr le Comte, ny a Mr Desdiguieres, ny a Mr le mareschal de Crequy. Il arriva que, trois ans auparavant, Mr le Prince ayant
