deux jours apres ma belle sœur, sy heureusement pour elle, quy n’attendoit plus de vivre trois jours, qu'il luy rendit une entiere santé.
Le mercredy 23me may le marquis de Coualin me vint dire adieu et me fit quelque compliment de la part de monsieur le cardinal, quy l’en avoit chargé. Il s’en alloit trouver le roy a Chasteautierry, et emmena avesques luy mon mestre d’hostel Du Bois[1], commissaire du regiment des gardes françoises et encores de celuy des Suisses, pour leur faire faire la montre.
Le vendredy 25me, comme ledit Du Bois entra dans la chambre du roy, comme Sa Majesté le vit, il dit a Mr de Bouteillier le pere, a quy il parloit : « Voyla Du Bois, monsieur le mestre : ainsy le nommions nous devant la Rochelle a la difference de son frere que l'on appelloit Du Bois le gendarme[2] ; c’est le mestre d’hostel du mareschal de Bassompierre. Il nous a fait souvent bonne chere. » Et ayant dit cela tout haut, [il luy parla assés long temps en secret, en suitte de quoy][3] Mr Bouteillier sortant de la chambre, tira Du Bois par le manteau et luy dit qu’il le suivit, ce qu'ayant fait jusques a son logis, il luy demanda s’il s’en retournoit bientost a Paris : et Du Bois luy ayant respondu que ce seroit des demain apres qu’il auroit fait faire la montre, il luy dit : « Attendés encores et ne partés qu’apres la feste de la Pentecoste[4], et je vous donneray la despesche de la liberté de Mr le
- ↑ Sans doute le même que Bois d’Arcy, qui est nommé dans l’Inventaire fait apres le deceds de Mr le mareschal de Bassompierre.
- ↑ Voir t. III, p. 337.
- ↑ Inédit.
- ↑ La Pentecôte était le 27 mai.
