comte [de] Harcourt, et quy n’ayant pas creu que ledit comte eut l’audace de se mettre en campagne devant eux et moins de passer jusques a Casal, ne s’estoint pas hastés de venir l'en empescher, [voulurent] se haster lors de luy fermer le passage de son retour, et se camperent entre Quiers et Carignan par ou il devoit passer. Le comte n’ayant pas de forces egales a leur opposer demeura a Quiers äutant qu’il eut de vivres ; mais luy estans faillis, il se resolut de passer ou de mourir glorieusement. A cet effet il partit de Quiers, et sur l’entrée de la nuit, quy estoit lors fort claire, se rencontra l’armée du Leganes a la droitte et celle du prince Tomas a la gauche, quy le vindrent en mesme temps affronter. Mais l’armée françoise, quy voyoit n’avoir que la porte de la valeur par ou s’en retourner, animée par son general et par les sieurs de Turenne, de Plessis Pralain, et la Motte Houdancour[1] mareschaux de camp, par ses chefs particuliers, et par son propre courage, se deffendit courageusement durant quattre heures au bout desquelles elle renversa l’armée du prince Tomas, fit reculer celle du Leganes, et passa a travers des deux malgré eux pour se venir rendre a Carignan ; quy est une des plus hautes et braves actions quy se soif faite de ce siecle[2].
Le roy arriva a Versailles la veille de la Saint Martin, ou Monsieur son frere le vint trouver.
Du costé de Salses Mr le Prince fit une nouvelle
